الفرق بين الطين الصناعي والطبيعي… وإمتى تختار كل نوع؟

لو بدأت تتعلم النحت أو بتجهز مشروع جديد، أكيد قابلت السؤال ده:

 أشتغل بطين صناعي ولا طبيعي؟ وإيه الفرق ؟
الاختيار بين النوعين صعب … لأن كل خامة ليها مميزاتها، وطريقة شغلها، والمستوى المناسب ليها.
 هنعرف الفرق بينهم ،وإزاي تختار النوع اللي يناسبك… سواء كنت طالب فنون جميلة، فنان ، أو حتى مبتدئ .

أولًا: الطين الطبيعي

لو كنت من بتحب الشغل اليدوي … الطين الطبيعي هو البداية.
ده النوع اللي اشتغل بيه أجدادنا من آلاف السنين، من الفراعنة لحد نحاتين العصور الوسطى.
يتكوّن من مواد طبيعية زي الطمي والرمل، وبيحتاج رطوبة مستمرة علشان يفضل لين وسهل التشكيل.

مميزاته:

• خامة طبيعية 100%.
• مناسب للمجسمات الكبيرة.
• يستخدم في مشاريع دراسية تقليدية.

وعيوبه:

• بيجف بسرعة لو ما اتحفظش صح
• بيتكسر بسهولة لما ينشف
• محتاج تجهيز و”دعك” قبل الاستخدام.

ثانيًا: الطين الصناعي

أما لو بتدور على خامة مرنة وسهلة في التعامل، فالطين الصناعي هو الاختيار العصري.
اتطوّر علشان يخلّي تجربة النحت أبسط وأخف، خصوصًا للمبتدئين وطلبة فنون جميلة.
بيتكون من مزيج صناعي فيه زيوت أو بوليمر، وبيفضل محتفظ بمرونته لفترة طويلة.

مميزاته:

• ما بيجفش بسرعة .
• سهل القص والحفر.
• مش محتاج تجهيز أو تحضير.
• مناسب للأطفال والمبتدئين والمشروعات الصغيرة.

وعيوبه:

• مش طبيعي بالكامل.
• بعض الأنواع ممكن تكون طرية زيادة.
• محتاج مكان مناسب للتخزين بعيد عن الحرارة.

ما هو  أفضل خامات الطين؟

في Garoوفرنالك أفضل خامات الطين الصناعي والطبيعي:

• طين صناعي خفيف وسهل للمبتدئين
• طين رمادي أو أحمر للطلبة والمشروعات.

الفرق بين الطين الصناعي والطبيعي مش بس في المكوّنات… لكنه فرق في الأسلوب، والراحة، ومستوى خبرتك.
لو فهمت طبيعة كل خامة، هتعرف تشتغل بإبداع، وتختار اللي يخدم فكرتك بأقل مجهود.